أ/ نعمات آدم جماع تكتب : سلام أهلي الكِرام
القوس اونلاين
سلام أهلي الكِرام
سلام يا الله
يملأ القلوب محبة وئام
يغسل الهم المعتق في القلوب…
عشان وطني الهمام
وعشان ناساً كرام
صوتو يملا الحناجر
ويرجع الطير المهاجر
وعصافير النوارس
لبلادها….
لوطن الله ليهو حارس
ويرجع طلاب المدارس
وطن سلام
يعانق احبابه
والنيل هناك امتداده
حب ووئام
سلام اهلي الكرام
يغرس محبة
يغسل عرق الغلابة
يمحو عتمة الكآبة
يمسح دموع
يوقد شموع
للمحبة للتسامح
و نور يضئ
يملأ وطنا محنة
وغيمة
وموج النيل يغازل
كل طينة
كل غابة
يهطل مطر
تنبت شجر
لؤلؤ درر
يرتاح وطنا
يرحل الحزن الكآبة
تنبت الف غابة
تمطر سحابة
ناي ومغنى
ويغني للسلام
اهلي الكرام
الحرب لازم تقيف
ونودع الألم المخيف
وترجع ام در تضوي
حضارة عراقة
ارض غالي ترابه
ويكتب التاريخ
ان سودانا هزم الحرابة
ويغني المغني
ويطرب الغلابة
حي السلام
وطني الهمام
اهلي الكرام
باركوا السلام
عشان وطن النوارس
عزيمة وإرادة
وقفوا الحرابة
عشان عيون فقدت احبابه
عشان طفولة سايقاها البراءة
تحلق تسافر
تتقطع تذاكر ترجع للوطن الهمام
حيوا السلام
باركوا السلام
فقدنا طعم الفرح
في غربة
نقفل بابه
دموعها غلابة
تروي وتغني
تشجي المغني
سلام أهلي الكِرام
وطن الأوطان
يحلق يسافر
مجروح الكرامة
في كل بيت
كل نسمة كل طلة
مكسور الخاطر
تعالوا بقوة وارادة
وقفوا الحرابة
اليوم قبل باكر
اجبروا الخواطر
كم فقدنا من ارضنا
من شباب
كم جريح ما طاب
لا مدارس
لا علاج
وكم من مشى ما عاد
وعيون أُم ترقرق
قدام الباب
سألت القراب والبعاد
لا خبر لا صحاب
كل البلد يمة
شليل ما عاد
وحكاوي
وغناي حزينة
فقدنا كم مدينة؟
بالحرب اللعينة
وكم سنابل
تفرهد للسلام
وكم جريح ما طاب
وكم مشى ماعاد
وقفوا الحرب الخراب
وطنا مهاب
اهله ناسا كرام
محفوظين المقام
في كل البلود
عراقة وحضارة
بسالة
شهامة وكرامة
أمة وعراقة
وقفوا الحرب الخراب
اجلسوا بارادة
وعزيمة
كم من طفلة يتيمة
محرومة وعديمة
شبح الموت محلق ديمة
كل ساعة
وقفوا الخرابة
الحرب الهزيمة
الروح اليتيمة
محلقة في السماء
دعاء ورجاء
امل ووفاء
للارض الحزينة
الباكية ديمة
لاينفع نصر لاغنيمة
الحرب هزيمة
فقر ومرض
دموع سجينة
في غربة طالت
تفتش عن سكينة
سلام عليكم اهلي الكرام
ومحفوظ المقام